香港 老字號雲吞麵「池記」今晚同朋友喺尖沙咀樂道呢間「池記」食飯，真心要讚下！晚市兩個套餐食咗$197，喺尖沙咀地段算係好抵食，服務爽快，環境乾淨坐得舒服，係一間會再返轉頭嘅傳統老店！🫶🏻
豬軟骨海蝦雲吞麵
招牌雲吞麵果然好味！湯底好濃郁，豬軟骨煮到好腍好入味，啲蝦雲吞仲要係原隻鮮蝦，咬落去爽口彈牙🤤
蘿蔔豬手飯
推薦🌟有驚喜！豬手份量十足，炆得夠淋又唔會膩，醬汁味道一流，蘿蔔清甜無渣，撈飯食真係一流，非常飽肚😚
套餐包咗小食～我哋揀咗紅油孖寶同上湯菜心
必食雲吞加水餃組合🥰 辣得嚟好香口，鍾意食辣嘅人可以試下
南北杏紅棗雪耳糖水
竟然有糖水飲🥰 好足料，滋潤得嚟唔會太甜，食完飯飲返杯好舒服～