登录 注册
  • Sandrafung 2022-07-19 13:33
    性價比高越南菜️河內越式料理 (西洋菜南街) (旺角) 📍
    旺角西洋菜南街204號地舖
    繼上次食過高質「河內越式料理」尖沙咀分店後，得知旺角都有分店，選址十分好，鄰近地鐵站🚉旺角B出口步行一分鐘即到，近大型商場T.O.P.。
    正值晚餐時間，絡繹不絕的人龍，即使係疫情下都咁好生意，證明呢間越南🇻🇳餐廳質素有保證。餐廳設有卡位雅座，牆上有越南姑娘畫作，盡顯越南特色。
    望望餐牌，越式湯粉、撈檬、飯、小食、特色飲品等應有盡有，選擇困難症發作。😂
    順化蕃茄蟹肉扎肉湯檬（HKD 66):
    食湯檬必定要品賞湯頭，呷一啖香濃鮮蟹蕃茄濃湯，其蟹味突出帶蕃茄清甜，配上越南香料同芫荽，加適量青檸汁提鮮同辣椒🌶️粒，啫辣人士必試。爆炒豬肉粒令到湯底更香濃，豆卜吸曬湯精華，令人一啖接一啖，扎肉食落彈牙，檬粉偏焾身，配蕃茄蟹肉湯頭食一流。
    豬肉卷撈檬（HKD 60):
    豬肉卷充滿香料味，魚露可自行添加，配菜好豐富有青瓜絲、蘿蔔絲花生碎等等，增加口之之餘，食落又清爽清新，酸酸甜甜，解暑一流。仲有重點提香既炸蒜蓉片，增加口感得黎又提升層次。
    追加小食：
    越式炸蝦餅：炸到金黃香脆，毫不吝嗇大大塊，蝦🦐肉扎實彈牙，蘸上泰式辣醬，酸酸甜甜辣辣，絕配。
    香茅雞翼：雞翼達到舔手指級好滋味，新鮮香茅釋放獨特清爽之香氣，溢齒留香，肉嫩皮滑帶燒烤效果，調味比較甜，熱辣辣肉汁隨著一呷漏出，小心燙口。
    椰汁三色冰：
    色彩繽紛，椰汁香濃，綠色蒟蒻條好有咬口， 仲有紅豆增添風味，整咗配合相得益彰。
    椰果椰汁西米露：
    甜品絕對係另一個胃，飲得到的甜品🍮，份量十足椰果，西米好有咬口，椰汁濃郁香濃👍🏽
    總結：
    地理位置優越 價錢合宜越南菜🇻🇳
    多款式👍🏽
    香港
    7

下载十六番手机客户端，分享此刻

app download

以下榜单推荐

相关内容

加载更多
返回顶部
下载App APP二维码
提交反馈
发送给十六番

用微信扫描此二维码即可联系16番

在微信中搜索“baume002”也可找到我们

微信反馈